Processor Overload
الحمد لله أختى تعبت النهاردة الصبح و دخلت المستشفى تانى
أنا معنوياً ضايع و الحمد لله
و الدنيا كلها بتلف جوا دماغى
أفكار عن كل حاجة
واجباتى العائلية
و حياتى العملية
و أحوالى المادية دلوقت و بعد كدة
الأولويات كل يوم بتحتاج تحديد و توضيح
كل يوم أكثر من اللى قبله
و الواجبات و المسئوليات كل يوم بتتشكل و بتتغير جوا دماغى
أنا فعلاً محتاج تحديد الأولويات تحديداً مطلقاً
و محتاج فاصل من كل حاجة تشكل عَلَىّ ضغط عصبى من أى نوع
و محتاج قرارات حاسمة فى بعض الحاجات اللى ضاغطانى نفسياً
وصلت لدرجة سيئة فعلاً من الضغط النفسى
التفكير كل يوم شغال فى الـ background فى مخى بلا توقف .. تفكير فى كل حاجة ليها علاقة بى و بأسرتى و بحياتى العملية .. التفكير مستهلكنى بشكل رهيب قرّب يحرق processor دماغى
أتمنى من ربنا سبحانه و تعالى يعدى الفترة الحالية و الفترة القادمة على خير و يقدر لنا الخير حيث كان و يرضينا به
اللهم أنت الشافى لا شفاء إلا شفاؤك .. إشفِ كل مرضى المسلمين و اعفُ عن كل المستضعفين و فرج كرب المكروبين يا رب
عسى فرجٌ أن يكون عسى .. نعلِّلُ نفسنا بعسى
لا إله إلا أنت سبحانك إنى كنت من الظالمين
Posts
ربنا يفرج همك و كربك و كرب كل مسلم ان شاء الله
ReplyDeleteآمين
ReplyDeleteجزاك الله خيراً يا جامع