Tweet

دى قصة شفتها بتحصل كتير و كان نفسى من زمان أكتب عنها لأنها بتتكرر كتير جداً فى أثناء فترة الدراسة الجامعية 

قصة حمادة و راشا قصة بتحصل كل يوم

حمادة شافها مرة قال حبيبة قلبى أهِه

و راشا كانت عملية مالهاش فى المواضيع دى

حمادة كان عبيط ومصدق نفسه أوى

و هى كانت عبيطة مش واخدة بالها أوى

حمادة راح كلمها و اتحجج بالدراسة

وراح سألها فى مادة هى فيها كانت محتاسة

راحت قالت مش عارفة قال لها الموضوع بسيط

و قعد يشرح كمان قالت شكله واد عبيط

اتطورت الحكاية فى دماغ عمك حمادة

و بدأت المسائل تظهر عليه بزيادة

سلامات و هو رايح سلامات وهو جاى

طب أجيبلِك سندوتش أو حتى واحد شاى

وأنا بموت فى العيال و كلمة بابا جاى 

بقت العملية Over  و الدنيا بقت خنيقة

راشا كرهت الحكاية و فهمت الحقيقة

حمادة ده بيحب عشان عايش فراغ

و شكله بتاع كلام و هيوجع الدماغ

بدأت تنفيض تمام  متردش عالكلام

 و حمادة فجأة لاحظ إن راشا بقت خنيقة

قال شكلى كنت تايه مش شايف الحقيقة

دى فين و الحب فين .. دى رزلة دى خنيقة

و قال دى مش حبيبتى دى بس مجرد صديقة

ضيعت و قتى معاها كان ممكن ..........ـ

........................................................

 ........................................................

أكمل مكان النقط

الأسماء ليس لها علاقة بأشخاص حقيقيين إطلاقاً

Tweet

Tweet

بسم الله الرحمن الرحيم

أنا باسم أحمد


واحد كدة .. حالياً* موجود فى الدنيا .. و يتمنى لمّا يموت ربنا يرحمه و يعفو عنه
و نفسه قبل ما يموت يعمل حاجة تنفعه و تنفع الناس


بحب التدوين .. و بحب الكمبيوتر .. و كنت باقول إذاعة المدرسة و أنا فى ابتدائى

اتمنى (إنَّك \ إنِّك) ما (تحسّش\تحسّيش) بالملل و (إنتَ \ إنتِ) بتقرأ(ى) المدونة بتاعتى




لكم خالص تحياتى .. باسم الهوارى


السلام عليكم

* 29-11-2009 ساعة أذان الظهر

Tweet