Friday, November 26, 2010

10 Rules of Good Design by Dieter Rams

10 Rules of Good Design by Dieter Rams
1. Good design should be innovative
2. Good design should make a product useful
3. Good design is aesthetic design
4. Good design will make a product understandable
5. Good design is honest
6. Good design is unobtrusive
7. Good design is long lived
8. Good design is consistent in every details
9. Good design should be environmentally friendly
10. Good design is as little design as possible

1 comments:

Friday, November 05, 2010

السيستم واقع

السيستم واقع. فعلاً واقع

من كام يوم كنت فى فرع تى إى داتا بادفع اشتراك خدمة الانترنت .. و رُحت آخد رقم من الكاونتر .. الراجل اللى على الباب قال لى إنت هتدفع فاتورة .. قلتله آه .. قال لى السيستم واقع ـ
قلت آخُد دور يمكن الدنيا ترجع طبيعية و أدفع بدال ما يقطعوا الخدمة تانى يوم 
قاعد استنى بقى و عمال أسمع السيستم واقع يميناً و يساراً و فوق و تحت .. همس أو زعيق
محدش كلف نفسُه من الاخوة المواطنين يسأل : هو إيه السيستم اللى واقع؟
بل بالعكس ـ أبسلوتلى ـ بدأ الفتى ثلاثى اﻷبعاد ينتشر فى المكان 
كان قاعد جنبى اتنين .. واحد بيقول للتانى : هو السيستم وقع فى البلد كلها ولا إيه ؟ .. يعنى كل البلد مش عارفة تدفع كدة؟؟ -و علامات الخوف و القلق تبدو شديدة الوضوح على وجهه .. فهو بطبيعته مواطن أصلى و قلق على مصلحة وطنُه و استقرار النت فى جميع الأنحاء .
فرد اﻵخر .. "ﻷ .. ده واقع فى الفرع الرئيسى .. و لما بيقع فى الفرع الرئيسى ما حدش بيقدر يعمل حاجة فى أى فرع  تانى .. كل الفروع بتتعطّل ـ و كانت علامات الثقة و المعرفة و الإطلاع تُشِع من وجهه .. فهو أيضاً مواطن مصرى أصيل .. عالم بكل كبيرة و صغيرة فى أنحاء المعمورة .. و المنتزه و العجمى كمان.

عموماً إحنا عندنا فى البلد السيستم واقع .. و كُلُّه-إلا من رحِمَ رَبّى- بيفتى في اللى ليه فيه و اللى مالوش فيه

جدير بالذكر إن أنا مرّة سألت واحد من موظفى تى إى داتا فى السنترال لما قال لى السيستم واقع .
قلتلُه سيستم إيه اللى واقع .. السبب إيه ؟ داتابيز ولّا مشكلة نتورك ولا يمكن الويندوز مهنِّج .. رد عليّا و قال لى دى حاجات تكنيكال أنا ماليش فيها .. أنا اللى أعرفُه إن السيستم واقع


و فى نهاية الفقرة عايز أهدى أغنية للمستمعين اﻷعزاء .. ما لقيتش أحسن من : "ادينى جهل أدّيك فتاوى"  

المرة الجاية لما تسمع السيستم واقع .. جرّب تسأل الموظف و المواطنين اللى قاعدين مستنيين .. و كومنت هنا يمكن نطلع بفتاوى جديدة و لو كنت من محبى الفتى .. تذكّر أن الصمت شئ مفيد .. بدل ما حد يطلّعك بلّاص و يبقى شكلك مش ولا بُد
سلامات

0 comments: