كن نفسك

Tweet

إنت عبقرى بكل المقاييس

إنت وصلت لدرجة من العبقرية ماحدش وصل لها

تخيل إن انت بمجرد ما تعرف الشخص بتحط لُه تخيل كامل فى ذهنك لشخصيته و ردود أفعالُه

و فى أى موقف بتحط تخيل لانطباعُه عن الكلام اللى انت هتكتبُه أو الفعل اللى هتعملُه

العبقرية دى مش دايماً كويسة

إنت كدة مش هتعمل اللى فى دماغك .. لأ إنت كدة هتعمل اللى يبسط الكُل و مش مهم نفسك

شعور قاتل و حياة تافهة فارغة .. بقى المثل كدة مش "كل اللى يعجبك و البس اللى يعجب الناس"  ـ

لأ ده بقى .. إعمل أى حاجة تبسط الناس .. و ياكش تولع انت بجاز .. المهم يبقوا مبسوطين وراضيين عنك

قال تعالى (( يَوْمَ تَأْتِي كُلُّ نَفْسٍ تُجَادِلُ عَنْ نَفْسِهَا وَتُوَفَّىٰ كُلُّ نَفْسٍ مَا عَمِلَتْ وَهُمْ لَا يُظْلَمُونَ))ـ

و أيضاً:  (( وَاتَّقُوا يَوْمًا لَا تَجْزِي نَفْسٌ عَنْ نَفْسٍ شَيْئًا وَلَا يُقْبَلُ مِنْهَا عَدْلٌ وَلَا تَنْفَعُهَا شَفَاعَةٌ وَلَا هُمْ يُنْصَرُونَ)) ـ

كن نفسك و افعل ما يرضيه سبحانه و ليذهب الآخرون إلى  *  ـ

و شكراً

الـ * هو أى مكان يريد أن يذهب إليه الآخرون .. القرار قرارهم و ليس لى شأنٌ فيه

السلامُ عليكُم

Tweet