Friday, December 04, 2009

عينيك حلوين









دى ملهاش علاقة بالأغنية


دى ليها علاقة بالعينين




 مش عارف .. بس فى أشخاص قلائل


لما باشوفهم .. بتحصل حاجة مش كويسة


مش شرط لى أنا .. بس المهم بتحصل حاجة تزعلنى


مش عارف الموضوع ده حسد فعلاً و لّا إيه


بس حاجة مزعجة فعلاً


كان نفس الموضوع بيحصل مع خالى .. كان راجل عندهم فى الشارع لما يشوفه يبقى لازم تحصل مصيبة


كنت باستغرب من تصرفات خالى وقتها و إزّاى هو بيحاول يتجنب الراجل ده


احنا عندنا واحد فى الشارع نفس النظام بردو .. و أنا حالياً باحاول أتجنبه قدر المستطاع


مرة مثلاً كنا مروحين أنا و أختى بشنط فى إيدينا .. و سبحان الله أول ما عدينا من قدّام المحل بتاعه .. مافيش خطوتين بالعدد


الشنطة اللى إختى كانت شايلاها إتقطعت و اللى كان فيها نزل فى الأرض


كنت ساعتها عايز أروح أخنقه و أقول له " إستريحت يا عم الحج .. إرحم بقى "  بس قلت يمكن مش هو السبب


بردو فى واحد أعرفه نفس النظام .. مقابلته مش بتعدى على خير


مش عارف أنا تفكيرى ده غلط .. و لّا فعلاً فى ناس كدة


ربنا يسامحنى إذا كنت بافكر فيهم غلط .. ويبعد عننا جميعاً الحقد و الحسد و أصحاب العينين الوحشة

7 comments:

  1. لا هو التفكير مش غلط عادى بتحصل
    ومع ناس معينين
    بس بحس دايما إن الفكره مش إنى أتجنب أشوفهم
    متهيألى الحل أننا نحمى نفسنا بالقرأن وذكر الله
    المشكله بتبقى فينا مش فيهم
    إحنا اللى بيبقى ما عندناش الحمايه الكفايه
    و فى الأخر ماأصابك ما كان ليخطأك وما أخطأك ما كان ليصيبك رفعت الأقلام وجفت الصحف

    ReplyDelete
  2. @ anonymous
    :)
    طب الحمد لله .. كنت فاكر إنها حالة مش طبيعية

    العامل النفسى بردو بيفرق .. يعنى مقابلة حد كدة على الصبح بتحسس الواحد إن اليوم فيه قلق

    ربنا يسترها معانا بقى
    :)

    ReplyDelete
  3. هو ده شىء ممكن يحصل , بس أهم حاجة الواحد ما يتطيرش _ الطيرة هى التشاؤم- يعنى لو شاف الراجل ده عالصبح ما يعتقدش أن اليوم هيبقى سىء أو هيحصله مصيبة حتى لا يكون كمن قال رسول الله صلى الله عليه و سلم فيهم(الطِيَرة شِرك)حديث صحيح, بل يدع كل هذه الوساوس و يتوكل على الله , (فالله خير حافظا و هو أرحم الراحمين) و طبعا المعوذتين , و لا ينسى أذكار الصباح و المساء و منها مثلاً (أعوذ بكلمات الله التامات من شر ما خلق)و ( بسم الله الذى لا يضر مع اسمه شىء فى الأرض و لا فى السماء و هو السميع العليم ثلاثاً أذا أصبح أو أمسى لم يضره شىء)

    ReplyDelete
  4. BTW : anonymous comments are welcomed , but not recommended :)

    ReplyDelete
  5. هو ده شىء ممكن يحصل , بس أهم حاجة الواحد ما يتطيرش _ الطيرة هى التشاؤم- يعنى لو شاف الراجل ده عالصبح ما يعتقدش أن اليوم هيبقى سىء أو هيحصله مصيبة حتى لا يكون كمن قال رسول الله صلى الله عليه و سلم فيهم(الطِيَرة شِرك)حديث صحيح, بل يدع كل هذه الوساوس و يتوكل على الله , (فالله خير حافظا و هو أرحم الراحمين) و طبعا المعوذتين , و لا ينسى أذكار الصباح و المساء و منها مثلاً (أعوذ بكلمات الله التامات من شر ما خلق)و ( بسم الله الذى لا يضر مع اسمه شىء فى الأرض و لا فى السماء و هو السميع العليم ثلاثاً أذا أصبح أو أمسى لم يضره شىء)

    ReplyDelete
  6. لا هو التفكير مش غلط عادى بتحصل
    ومع ناس معينين
    بس بحس دايما إن الفكره مش إنى أتجنب أشوفهم
    متهيألى الحل أننا نحمى نفسنا بالقرأن وذكر الله
    المشكله بتبقى فينا مش فيهم
    إحنا اللى بيبقى ما عندناش الحمايه الكفايه
    و فى الأخر ماأصابك ما كان ليخطأك وما أخطأك ما كان ليصيبك رفعت الأقلام وجفت الصحف

    ReplyDelete